ANKETË MBI GADISHMËRINË & MUNDËSINË PËR TË PAGUAR TARIFAT E SHËRBIMEVE TË MBETJEVE - BASHKIA ELBASAN

Në kuadrin e Asistencës Teknike të Kuadrit të Investimeve të Ballkanit Perëndimor (WBIF) mbështetur nga Banka Europiane per Investime dhe Banka Gjermane per Zhvillim (KfW), janë përgatitur Raportet e Planifikimit Konceptual (RPK) për Sistemin e Menaxhimit të Integruar të Mbetjeve të Ngurta (MIMN) dhe Raporteve të Përzgjedhjes së Vendndodhjeve (RPV) për rajonin e Elbasanit.

RPK janë zhvilluar për të mbuluar një periudhë planifikimi prej 20 vjetësh nga viti 2020 deri në vitin 2040 dhe synojnë së pari të identifikojnë, planifikojnë dhe të propozojnë masat kyçe për zhvillimin e një sistemi të qëndrueshëm të Menaxhimit të Integruar të Mbetjeve të Ngurta për qarkun Elbasan. Propozimi i projektit konsiston në përzgjedhjen e vendndodhjeve më të mira për zbatimin e masave të rekomanduara nga Raportet përkatëse të Planifikimit Konceptual. Janë marrë në konsideratë të gjitha vend depozitimet ekzistuese për përdorim të mundshëm pas rehabilitimit dhe/ose mbylljes/largimit të mbetjeve.

Projektet e propozuara konsistojnë në ndërtimin e sa më poshtë:

·         Stacione Transferimi në Peqin (që do t’i shërbejë Peqinit dhe Rrogozhinës); Gramsh dhe Prrenjas;

·         Landfille për mbetjet inerte në Belsh, Cërrik, Elbasan, Gramsh, Peqin, Prrenjas dhe Rrogozhinë.

·         Impiante kompostimi në Impiantin e Incenerimit Mbetje- në- Energji Elbasan;

·         Qendër për depozitimin e mbetjeve shtëpiake në Impiantin Mbetje në Energji Elbasan.

Disa nga masat e rekomanduara rehabilituese përfshijnë: ndërhyrje për të përmirësuar infrastrukturën e brendshme të vend depozitimit, sistemin e drenazhimit, sistemin e ndriçimit dhe infrastrukturën rrugore për aksesimin e vend depozitimit dhe disa nga vend depozitimet do të mbyllen dhe/ose do të largohen mbetjet. Mbyllja/ rehabilitimi i vend depozitimeve ekzistuese problematike dhe projektet e propozuara synojnë të përmirësojnë ndjeshëm situatën mjedisore, shëndetësore dhe socio-ekonomike në të gjitha vendndodhjet e propozuara. Projekti ka analizuar nga këndvështrimi mjedisor, pasojat e drejtpërdrejta, parësore në demografinë përkatëse, në​ kushtet shoqërore dhe​ socio-ekonomike të zonës dhe, ku është e përshtatshme, i ka vlerësuar nga ana sasiore, duke synuar t'i minimizojë dhe eliminojë sa më shumë që të jetë e mundur keto pasoja dhe të përmirësojë situatën.

Natyrisht, një sistem i integruar i menaxhimit të mbetjeve që përmirëson gjendjen mjedisore, shëndetësore dhe sociale nënkupton tarifa më të larta se sistemi aktual.

Kjo anketë me familje në bashkinë Fier zhvillohet për t'ju informuar dhe njëkohësisht për t’u njohur me mendimet tuaja për çështje mjedisore, sociale dhe ekonomike. Ndaj do ta vlerësonim shumë nëse do të merrni 10 minuta nga koha juaj për këtë anketë. Ju lutem kini parasysh se, për efekt të përpunimit të të dhënave,  është shuë e rëndësishme për ne që të plotësohet në tërësi.